Bestu óskir um Gleðileg jól og farsæld á nýja árinu!!

Kæru vinir og fjölskylda, enn og aftur verðum við að hryggja ykkur með því að senda ekki jólakort þetta árið, þetta verður því miður í rafrænu formi hjá okkur enn ein jólin! Það er kannski ekkert verra en mér finnst það samt soldið sorglegt einhvern veginn, því gömlu góðu jólakortin eru bara svo yndisleg og sérstaklega gaman að opna þau og lesa í rólegheitunum eftir pakkaflóðið.

Hér af okkur Vesturförum er allt fínt að frétta bara, við erum búin að búa hérna í 3 og hálft ár núna og okkur líður alltaf jafn vel. En það örlar á svolítilli heimþrá, þá sérstaklega núna um jólin, það er þessi íslenski hátíðleiki sem að maður saknar og auðvitað fjölskyldu og vina. Við fjölskyldan höfum ekki komið til Íslands núna í 2 ár og enginn hefur komið að heimsækja okkur þetta árið, engin furða eins og ástandið er búið að vera á klakanum, þannig að maður finnur kannski meira fyrir því hvað maður virkilega saknar allra mikið. En okkur til mikillar ánægju þá verður meira líf hérna á nýja árinu, því að Jói bróðir og Sigrún mágkona eru búin að boða komu sína í febrúar og hlökkum við mikið til að fá þau og eigum við svo von á fleirum síðar á árinu, þannig að þetta ætlar bara að verða spennandi ár jíha 2010!!

Sigurjón er fjarri góðu gamni enn ein jólin, í þetta skiptið er hann staddur í Jeddah,Saudi Arabíu. Eftir síðustu jól án hans ætluðum við sko alls ekki að standa í þessu aftur, en því miður þá verðum við bara að gera það sem þarf og það er vinna. Það hefur verið einstaklega rólegt í flugvirkjanum þetta árið og þegar það er vinna í boði þá tekur maður henni, þ.e. Sigurjón sko!
Ég veit vel hvað margir hugsa....afhverju er maðurinn ekki að vinna í Kanada og ladída, en það er nú bara ekki svo einfalt að fá vinnu hérna og allra síst fyrir flugvirkja með Evrópskt flugvirkja skírteini og aðrar vinnur með sæmandi laun eru bara ekki í boði! Hér er töluvert atvinnuleysi líka og ekki endilega allar dyr opnar fyrir okkur útlendingana. En hvað um það, þetta er nú ekki svo mikið mál, við erum öll vön þessu og finnum ekki of mikið fyrir þessu dags daglega og ef hann getur verið á reglulegum rúnti, komið heim á mánaðarfresti þá væri þetta bara fínt!

Við erum mikið búin að vera að spá og spökulera með það hvað við ætlum nú að vera hérna lengi og margir að spyrja okkur hvort við ætlum bara að setjast að hérna, en ég get nú sagt það nokkurn veginn með vissu að það verði ekki lokastaðan. Við sjáum okkur hér næstu 2 til 3 árin og ætlum þá að færa okkur um set, annað hvort á klakann eða nágrenni! Auðvitað getur maður ekki sagt neitt með vissu ennþá, en allavega stendur þetta nokkurn veginn svona núna, þar til annað kemur í ljós! Ég er farin að vinna sem Innanhúshönnuður og hefur það farið rólega af stað, enda er ég algjör nýgræðingur og þekki ekki marga, en þetta kemur allt með kalda vatninu og ætla ég mér að ná í smá reynslu á þessu sviði, en þó er ég nokkuð spennt fyrir því að bæta aðeins meiru við, ég hef svo mikinn áhuga á öllu sem viðkemur umhverfis og vistvænu svo maður veit aldrei, algjör eilífðarstúdent hehe!

Börnin eru öll hraust og stækka bara og stækka!
Óðinn bráðum að verða 10 ára í apríl, hann er langhæðstur af sínum jafnöldrum og verður ekki langt í að hann nái mér. Það eina sem að kemst að hjá honum eru tölvur og tölvuleikir og þykir honum ekkert skemmtilegra en að fá að hanga í þeim... helst allan daginn, ég þarf orðið að sparka honum út úr húsinu til að fara út að leika sér hehe alveg ferlegur sko! Hann verður sendur á sundnámskeið eftir áramótin til að fá einhverja hreyfingu, svo fara þeir feðgar í göngur öðruhvoru þegar Sigurjón er heima.

Daði Snær orðinn 7 ára síðan í september og hefur alveg nógu mikla orku fyrir alla fjölskylduna, hann aftur á móti elskar að leika sér úti(annað en bróðir hans)og fer bara og finnur sér vini í hverfinu til að leika við og getur verið að klukkutímum saman, þó reyndar er það nú eitthvað styttra á veturna því það er orðið dimmt milli fjögur og fimm núna. Hann vantar eitthvað til að beysla alla þessa orku og verður hann sendur í sund líka og Kung fu, ekki veitir af:-) Auðvitað er hann líka hrifinn af að spila tölvuleiki(hvaða strákur gerir það ekki?) og horfa á bíómyndir þá sérstaklega Transformer(í mega uppáhaldi), Star Wars, Harry Potter og Spiderman.

Selma Victoría, litla prinsessan á heimilinu og þá meina ég prinsessan sko! Hún ætlar nú heldur betur að stjórna á þessu heimili og fæ ég að heyra nokkuð oft frá henni: "ekki tala við mig mamma" þegar hún er óánægð með mig! Hún elskar að horfa á Barbie,Doru og Disney prinsessurnar, hún vill mála sig eins og mamma, fá naglalakk, velja sjálf á sig fötin(helst bleik) og fara í dress up. Meiri stelpa getur hún ekki verið jeminn eini! En svo getur hún alveg verið í byssó með bræðrum sínum, leikið með þeim í legó eða stjórnað þeim með harðri hendi, hún gefur þeim þá ekkert eftir og er harðákveðin stelpa, þessir stórubræður mega bara vara sig sko!

Jæja kæra fjölskylda og vinir!
Þið hafið fengið smá fréttir af okkur öllum, við höfum ekki verið nógu dugleg að láta vita af okkur, enda finnst okkur svosem ekkert merkilegt að frétta héðan! En ég ætla að vera duglegri að skrifa eitthvað reglulega, var að spá í að hafa smá samantekt fyrir hvern mánuð í senn og henda inn nokkrum myndum með og svona. En við erum alltaf með myndasíðu á picasa og ef einhvern langar að fá að skoða en hefur ekki verið boðið þá endilega látið okkur vita og við sendum linkinn med de samme! Stórt knús og saknaðar kveðjur frá okkur öllum!!

Svakalegasta Canoe ferð sem sögur fara af.

Heilir og sælir sveinar og meyjar móður jörð.

Þá er komið að fréttaauka.

Eftir skólalok barna og útskrift Sifjar, byrjaði sumarfrí. Sem stendur enn yfir. Þetta sumar er skráð í metbækur hjá environment Canada sem er ríkisstofnun eins og Veðurstofa Ísland.
Hitamet og sólskinsstundir hafa aldrei verið eins á háu plani og einmitt þetta sumar. Þveröfugt við síðasta sumar.
Þannig að það hefur stundum verið ólíft á efri hæð okkar hús þar sem við sofum öll. Jú, hiti leitar upp á við og sólbakað þak bætir ekki neitt. Eitt skiptið þurftum við að færa Selmu niður í stofu í minna hitastig svo að blessunin gæti nú einhvern tímann sofnað. Við erum ekki með kælikerfi (og munum aldrei fá okkur svoleiðis tæki) en viftu eina sem hefur verið í mikilli yfirvinnu.
Þetta hefur valdið miklum vandræðum á meginlandinu jafnt sem á eyju hér. Skógareldar hafa geisað og nú er svo komið að vatnsból eru með lægra lagi. Þá er bara að vona að haustrigningin jafni það út.

Við höfum farið í útilegu ti Cowichan Lake og legið í bakstri í nálægum vötnum. Allt ofsalega gaman. Notið góðrar stundar með Snorra Ísól og börnum og við munum halda því áfram. Skroppið í gistingu hjá vinafólki á Salt spring Island sem er paradís.
Næst er að koma grísum á fót og fara í góða göngu.

Við erum komin með nýja íslenska nágranna sem fluttu í íbúð Röggu og Hreiðars sem við söknum sárt. Þau fluttu aftur til Íslands eftir námslok. Selma er enn að tala um Egil og Brynjar (synir Röggu og Hreiðars) þegar við minnum hana á nýja fólkið. Þau heita Gunnar og Hólmfríður og eiga Márus sem er 9 ára.

Það sem er næst á döfunni hjá okkur er að reyna að komast í eina útilegu enn og grafa upp veiðgræjur og skjótast með piltana í veiði. Hitta fleira fólk og hafa gaman af sumrinu.
Ég sjálfur þarf að fara að koma mér í vinnu þar sem ég er búin að plana 7 vikna dvöl í Kuala Lumpur í Malasíu frá og með Október. Já sólarströnd og alles og fullt af nætuklúbbum...... neeeeeei!
Ég fer þarna og sest á skólabekk 7 tíma á dag í heilaþvott á Boeing 777. Ný vél í skírteinið semsagt.

Set inn video hérna, en minni fjölskyldu á sumarmöppuna í picasa sem er reglulega uppfærð.

Bestu kveðjur frá okkur öllum úr Victoria BC.

Finnst þetta frábær auglýsing.

www.zaplive.tv

Framlag Daða í kvikmyndaheiminn.

Við settum inn spurningu fyrir alla sem er að finna neðst á síðunni. Við munum koma til með að hafa nýjar í hverjum mánuði. Bros :-)

Óðinn Örn er 9 ára í dag.
Litli stóri drengurinn vex og vex og er að sjálfsögðu stærstur í sínum bekk.
Hann veit að hann er á leið í tónlistarnám hvað sem tautar og raular. Við erum búin að segja við hann að hann gæti hætt, en ekki fyrr en hann er orðin 18 ára. Því þá mun hann ráða þessu sjálfur.
Hann þakkar öllum fyrir gjafirnar og vill láta vita að hann átti mjög skemtilegan dag í þessu líka yndislega veðri. Já! Sumarið er handan við hornið.
Allir sprækir og við hestaheilsu héðan að vestan.

Selma fyrir framan Kirsuberjatrén sem eru í fullum blóma.

Daði er "Dude".

Halló heimur.

Eins og sést þá er breyting á þessari síðu. Þarna náum við að koma gagnvirkum upplýsingum fyrir alla. Og það á eflaust eftir að aukast. Hér erum við búin að setja til hiðar einnig "RSS" hnapp (sem er "subscribe to" hérna hægra megin á græna svæðinu) sem er hægt að notast til að fá færslu-update ef ég sletti smá. Svona eins og við gerum við fjölskyldu myndamöppurnar. Það eru komnar nýjar myndir inn í vormöppuna.

Breytingar á comment eru þannig að fólk verður að skrifa niður hver þar fer þar á ferð. Annars heldur Daði að tannálfurinn sé að stríða honum. Ef engin er með neitt þar sem comment býður upp á þá er hægt að velja "openID". Það gefur ykkur eigið ID sem hægt er að nota alls staðar á flest öllum vefsíðum.

Við reynum að setja inn skemmtilega hlekki hérna hægra megin líka. Núna er t.d vefmyndavél stýrt á eitt hreiður Skalla Arnar. Mér sýnist að hann sé komin með 2 unga.

Annars er allt gott að frétta. Allir heilsuhraustir og veðrið að skána. Ég gef trjánum hér fyrir utan 2-3 dag í viðbót og þá eru þau komin í fullan skrúða.
Þá verður allt hvítt og bleykt. Alveg dýrlegt allt saman.
Daði er orðinn hálf tannlaus og hefur haft mikil viðskipti við tannálfinn, já og jafnvel bréfaskriftir. Hann bað mig að skrifa til hans og spyrja álfinn hvort hann væri til í alvörunni. Sem og ég gerði. Hann fékk þetta svakalega fína bréf frá honum til skýringar og var voðalega ánægður. Hann var nefninlega farin að saka mig, pabba sinn, að ég væri álfurinn, og var blessunarlega feginn að fá staðfestingu á þessu öllu saman. Ég veit að ég get verið álfur stundum. En enginn tannálfur er ég.

Við skruppum í Fiðrilda garðinn sem er sko fyrir alla að kíkja á.

Sif er byrjuð að nýju í skólanum og mun þetta vera síðasta önn. Útskrift er í lok júní.

Meiri fréttir fljótlega.

Halló halló.

Það hefur ekki verið mikið bloggað núna síðustu mánuði, en ég bæti úr því með þessu.
Héðan að vestan er allt hið besta að frétta.
Ég er heima og hef verið það nú bráðum í 4 vikur. Ég ætlaði að taka mér 6 vikna frí og sjá svo til hvað ég tek fyrir stafni. Það kemur að góðum notum fyrir hana Sif mína þar sem hún er svo óskaplega mikið í skólanum þessi misseri. Allt fullt af verkefnaskilum ásamt einhverjum prófum.
Hún er eins og þeytivinda og maður sér hana ekki mikið, enda býr bara í skólanum.
Það er nú samt gott og blessað því hún stendur sig eins og hetja. Tala nú ekki um sjokkið hjá henni þegar þessari önn lýkur núna eftir viku. Þá fær hún 9 daga frí á milli anna. Sú verður fegin!

Börnin eru að klára sitt vorfrí (í dag er fyrsti vordagur í Kanada) sem hefur staðið í viku. Þau byrja aftur í skólanum og dagmömmu á mánudag.

Við verðum með hangikjötsveislu á morgun. Þá mæta allir okkar Íslendingar til að snæða. Þetta verður myndalegur hópur. Við skellum inn myndum af veislunni seinna.

Eins og sést þá er Sif búin að setja inn nýjar myndir að neðan. Til þess að fá þær stærri, þá einfaldlega klikkið á myndirnar ef þið hafið ekki fattað það fyrr.

Ég sendi hér tvær klippur af Selmu litlu.

 
Sætust!!

 
Strákarnir að reyna að flýja öldurnar á Viffin Spit!

 
Selma í límmiðastuði!

 

Þetta átti nú að vera videó sem að Daði tók upp, en er bara fín mynd í staðinn:-)

 
Selma á bakinu hans pabba!

 

í göngutúr á Thetis Lake.